يا حسين

يا هالإمام الـ بالتُقى تجلّيتْ

يا حسين يا إسم العَ كلّ لسان

لأسمى مراتب ساميه تعلّيت

وضجّت بإسمك كلّها الأكوان

آخيت كل مين أَذّن وآخيت

كل مين حمل إنجيل أو قرآن

ولا يوم عن إنسانك تخلّيت

بأحلى الظروف وأصعب الأحيان

عطيت الدني عطيت الحياة عطيت

أكبر فضائل خير للإنسان

وبخاف انسى ان بعضها عدّيت

بالبرِّ والإيمان والإحسان

بتقوى وفضيلة ثابته تحلّيت

في بيت مؤمن كان عالي الشان

والنّاس مثلك مثل ما تربيت

بإيمان بتردد صدى الأذان

في كل قلب اليوم عندك بيت

أطفال يمّا شيوخ أو شبّان

ما بتنتسى يا مَنْ شعوب حمَيتْ

بالقلب باقي عا مدى الازمان

يا حسين يللي أُمّتك حبيت

استشهدت في ساحة أذى وطغيان

ناداك ربّك للسما لبّيت

دعوة الربّ القادر الدّيان

استشهدت حتّى المؤمنين فديت

بجرحك بدمّك ثابت البرهان

ضحّيت لكن بعد ما ضحّيت

دين النبي تثبت مثل ما كان

محبّة وإلفي مثل ما تمنيّت

وها لكون كلو بالأمن عمران

ويا حسين مطرح ما دِمَاكَ سَقيت

صارت الأرض تزّهر الإيمان...